Komunikadu Imprensa - Oan kosok ho otas fulan ualu hetan kanik tódan bainhira ema ataka

FRENTE REVOLUCIONÁRIA DO TIMOR-LESTE INDEPENDENTE
FRETILIN

Komunikadu imprensa
5 Abril 2007

Oan kosok ho otas fulan ualu hetan kanik tódan bainhira ema ataka
apoiantes Lu Olo nian bainhira halo kampanha iha Dili

Horseik, oan kosok ida, hó otas fulan ualo, tama iha Hospital
Nasional ho kanik tódan iha ulun fátuk tamba ema mak hatais kamisola
partidu opozisaun sira nian no grupo jovem balun ataka nar'naran deit
Fretilin ninia apoiantes.

Apoiantes kandidatu PD nian, Fernando Araújo "Lasama", tuda fatuk ba
kareta ne'ebé halo parte koluna FRETILIN nian no halo kanik bebé ida,
naran Jessica Quintão Lima, ho otas fulan ualo deit.

Atake ne'e mosu derepente deit iha fatin ida besik heliportu, iha
Kampu Alor, bainhira koluna FRETILIN nian ba dadauk bá fatin kampaña
kandidatu Francisco Guterres "Lu Olo" nian, iha Kampu Motorcross,
Manleuana, parte oeste Dili nian.

Arsénio Bano, membro Comité Central no Komissaun Politika Nasional
Fretilin nian halo visita ba bebé oan Jessica iha ospital horikalan
dehan katak, "Ohin dader nia se iha ICU. Ohin deit mak Doutor sira
foin hatete lolós se preciza lori bebé Jessica Lima ba Austrália hodi
simu tratamentu."

La'os kazu ne'e deit, maibe horseik mo'os ema Fretilin tolu nulu resin
tolu tan maka hetan kanik maka temque lori halo tratamento iha
ospital. Se lakonta bebé Jessica, Fretilin nia apoiantes tolu tan mak
toba horkalan iha ospital: rua ho oin kanek todan no ida mak hetan
kanik ho rama Anbon iha Fatuhada.

Fretilin nia ema hetan atakes sira ne'e bainhira iha dalan ato ba
fatin kampaña nian no bainhira hadulas sidade Dili nian ho kareta tula
apoiantes barbarak ne'ebé lao tuir koluna.

Atakes sira ne'e akontese iha Fatuhada (mosu iha neeba iha fatin tolu
keta-ketak), heliporto iha kampu Alor, Lecidere, GMT(jináziu), kampu
demokrasia, Balide, Matadouro, Delta Comoro ( neebe iha fatin rua, ka
liu), Tasi Tolu no Jardim Colmera. Atakes balu envolve apoiantes
kandidatus prezidensiais seluk nian.

Iha Lecidere ho Delta Comoro, ema hatais kamisola kandidatu ASDT nian,
Xavier do Amaral, maka ataka; iha Jináziu, ema hatais kamisola UDT
ninia kandidatu, João Carrascalão, maka ataka; no ema hatais kandidatu
Lasama nia kamisola maka ataka iha Campo Democracia, Fatuhada no Delta
Comoro.

Polísia internasional kaer ona ema nain rua, mak laos apoiantes
Fretilin nian, kona ba atakes sira ne'e.

Arsénio Bano, dehan katak Fretilin la asseita atakes ne'ebé akontese
horseik tamba atakes sira ne'e hatudu katak violénsia hassoru
Fretilin ne'ebé hahú ho krize tinan uluk, sei iha nafatin.

"Kandidatu Prezidensiais hotu-hotu asina kódigu konduta hodi la bele
halao violénsia iha eleisaun ne'e. Kandidatus sira promete duni katak
sira sei la sátan knaar kandidatus ka apoiantes kandidatus seluk sira
nian durante kampaña," Arsenio hatete.

"Ämi halao ami nia komísiu ho dame tebetebes, maibé, ema seluk mai
provoka ami nia membrus ho apoiantes hodi hamanas situasaun. Tamba
nee ami nia apoiantes lubuk oan ida forsadu ho situasaun atu defende
a'an."

"Ami triste katak líderes PD, ASDT no UDT nian la controla diak liu
tan sira nia apoiantes hodi labele halo buat sira ne'e".
"FRETILIN lakoi violénsia atu mosu, ne'e duni, ema ne'ebé maka halo
karik krime, tenke lori ba tribunal. Ami hatete ona ida nee dalan
hirak liu ba durante kampanha nee", Bano temik.

Arsenio Bano: (+670) 733 9416 (Dili)
Jose Manuel Fernandes (Lu Olo' ninia reprezentante) (+670) 734 2174(Dili)
Filomeno Aleixo: (+670) 724 3460 (Dili)