Komunikadu Imprensa -FRETILIN EZIJE EMA RESPEITA KODIGU KONDUTA

Francisco Guterres Lu Olo ba Prezidente
“Hau se sai Prezidenti Hosi Povu ba Povu Tomak”

Komunikadu ba Imprensa
28 Abril 2007


FRETILIN EZIJE EMA RESPEITA KODIGU KONDUTA

Sekretário Jeral Adjunto, José Manuel Fernandes husu candidato prezidensial José Ramos Horta atu respeita kódigu konduta ba eleisoens 2007 no atu para halo atake pesoal ne’ebé la iha prova no ofende ema.

“Timor-Leste lalika kopia polítika ne’ebé media hosi rai seluk halao”, Fernandes hatete. “Debate horkalan iha televizaun diak tebe tebes. Ema hotu-hotu rona no bele tetun saída mak haketak kandidatu prezidensial rua ne’ebé sei kompete iha 9 de Maiu”

“Hau nia laran taridu tamba kandidatu koñesidu ida hanesan José Ramos Horta bele halo akuzasaun, maibé, la aprezenta provas. Ita bele haré saída maka nia halo dadaun. Iha debate horseik iha televizaun, nia tenta hafoer hau nia naran. Ho ida ne’e nia hatudu katak nia la tuir kódigu konduta nian ne’ebé dehan katak labele insulta ema.

Iha ninia konferénsia imprensa, halo iha nia uma rasik, iha Metihau, tatoli horseik kalan no ohion dedersan iha TVTL, nia buka moos bolu atensaun ba media hodi haboót deit nia naran. Ho hahaolok ida neé, nia hakarak hadoók ema nia hanoin hosi asuntu eleisaun nian, hodi koalia fali alegasaun ne’’ebé nia ható, maibé , la iha prova.

Nia du’un grupu radikal FRETILIN nian, maibé, nia la hatete sé maka grupu hirak ne’e”.

Fernandes hatutan: SR. Ramos Horta hatete katak nia halo tiha ona queixa ba Prezidente Repúblika no Xefe Missaun UNMIT nian. Tamba sá nia la usa rasik ita nia leis no instituisoens hodu assuntui sira neé bel;e investiga lolós molok nia ható ba publiku hanesan buat sira ne’e akontese duni tuir nia hatete?

FRETILIN husu Sr. Horta ba koalia deit asuntus eleisaun nian, Fernandes hatete. “NIa polítika maka saída lós? Ninia kualidades ka valor saída atu ható ba povu ? Tamba sá nia hakarak muda lei Fundu Minarai nian? Tamba sa nia la assina Deklarasaun riku soin ninian? Oinsá ema ida ké hakarak sai Prezidente RDTL nian bele hakbesika’an ba grupu armadu ne’ebé la moris iha lei nia okos”?

Kontaktus:
José Manuel Fernandes tel 734 2174
Arsénio Banio, tel 733 9416